آخر مشهد في ملك سليمان - محمد جمعة اسماعيل
مفتتح
أوقات طريق الرحله
يحدفنا بعيد وف كل خطوه يكتب لنا
سر
وأما نعد العمر من طول الطريق نلقى الخطاوى كات
محلك
سر.
القصيده
لحظه سقوطك.
ادهشت كل الحضور
مين كان يصدق.
الهيلمان اللى بيملا دولتك
ممكن يقع .
على ايد عصايتك
وانت سليمان النبى
اللى بيحكم كل شىء.
مبقتش تملك اى شىء
ولا غيابى فى السما
هيوتر الحلم اللى شفته من بعيد
اصبحت حر.
يعنى مش تفرق خلاص
ان كنت اغيب عن مجلسك
أو انى اعلن اعتراضى ع العقاب
اللى كان قدام حكاويا اليك
انا هدهدك.
اصل الحكايه اللى اتحكت
واللى اتنسى
لحظه دخولى مجلسك
وانت اللى كان.
من قبل ما بيرتد طرفك
تنقل بلاد وسط البلاد
وتخطى بجيوشك سكك
فتخوف النمل المبيت فى الشقوق
فتحسسك .
انك بتحكم كل شىء
مبقتش تملك اى شى
بلقيس بتترجى النجوم
علشان ترجع شمسها
عفاريت بتتشاور على
لحظه ما اخر مشهد القصه يكون
لحظه ما تنزل جوه جوف البحر
من غير سفينه تبعتك
او حتى ريح
بلقيس قالتها بالصريح
لحظه ما كشفت عن سيقانها
كل النوايا
(صرح ممرد من قوارير)
فالكل كان بعدك بيكشف عن سيقان الامنيات
الكل مستنى الممات
وانا اللى طاير فى السما
بلمح ثوانى المشهد اللى بينتهى
وانت بتنزل جوه جوف البحر.
وانت بتنزل جوه جوف البحر.
ليست هناك تعليقات